بيدر بيربط المزارع والمربّي بالتاجر مباشرة — تبيع غلّتك بسعر عادل، وتعرف أسعار يومك من سوق الهال وسوق نجها بإيدك. خضار، بذور، تبن، مواشي، حليب، ومحاصيل موسمية.
تزرع وتتعب وتحصد، وبالآخر تبيع بسعر ما بتعرفه، لتاجر ما بتعرفه، عن طريق وسيط بياخد نصيبه من تعبك. بيدر بيشيل الوسيط ويحطّك وجهًا لوجه مع التاجر.
كل سوق مفصّل على طبيعة محصوله — الحقول والأسعار والوحدات مختلفة، لأن البندورة مش متل البذور، والبذور مش متل المواشي.
سريعة وطازة. فرز أول وتاني، وتسعير حسب سعر الهال يوم التسليم أو سعر مبدئي قابل للتفاوض، مع إعلان مسبق للحصاد الجاي.
قابلة للتخزين وسعرها ثابت. مع نسبة الإنبات، نسبة الشوائب، سنة الإنتاج، والمصدر — بلدي أو مستورد أو معتمد.
علف المواشي. تبن قمح، شعير، عدس وبيقياء — وطريقة الحصاد (دراسة أو حصّادة) والبيع بالبالة أو الخشة أو الكمية.
عواس وأبقار وماعز، ومنتجاتها من حليب وعسل وصوف. رزق الحيوان بسوق واحد مع باقي خير الأرض.
حليب بقر وغنم وماعز طازج، يومي وبالليتر. من باب المزرعة مباشرة لمعامل الألبان والجبنة.
زيتون، رمان، وزيت زيتون — بيع المحصول قبل القطاف. احجز موسمك من على الشجرة بسعر متفق عليه.
من التاجر للمزارع — جهة معاكسة. شتول الخضار والأشجار المثمرة، جاهزة للأرض.قريبًا
ورد وزينة، جهة معاكسة، لمشاتل ومحلات الزينة وأصحاب الحدائق.قريبًا
حمّل التطبيق وافتح حسابك برقم موبايلك. ببلاش وبلا اشتراك.
اختار السوق، عبّي تفاصيل محصولك، وحدّد سعرك أو خلّيه حسب الهال.
التجار بيشوفوا عرضك ويتواصلوا معك. عرضك يوصل لكل سوريا.
قارن بين التجار، واتفق على السعر اللي بيناسبك. بلا وسيط.
أسعار الخضار من سوق الهال، وأسعار المواشي من سوق نجها — السعر المرجعي اللي بيحتكم إلو المزارع والتاجر وقت البيع. بيتحدّث كل يوم.
🔄 إذا ما انحدّث سعر اليوم، بيرجع تلقائيًا لـمتوسط الصفقات الفعلية — مش سعر بايت.
حمّل بيدر اليوم، واعرض أول غلّة أو دفعة على أحسن صفقة. الريف السوري كله بجيبتك.